پارلیمانی ضمنی انتخابات کشمیریوں کے وقار کی جنگ: عمر عبداللہ

وادئ کشمیر میں منعقد ہونے والے ضمنی پالیمانی انتخابات کو کشمیریوں کے لئے وقار کی جنگ قرار دیتے ہوئے نیشنل کانفرنس کے کاگذار صدر اور سابق وزیر اعلیٰ عمر عبداللہ نے کہا ہے کہ اس وقت ریاست کی سیاست کی بقا داؤ پر لگی ہوئی ہے ، ایسے میں ہم سب کو مل کر فرقہ پرست عناصر کو شکست فاش دے کر ریاست کے تشخص پر ہورہے حملوں کا ڈٹ کا جواب دینے کی ضرورت ہے۔ان



باتوں کا اظہار انہوں نے پیر کے روز وسطی ضلع بڈگام کے ماگام بیروہ میں پارٹی صدر ڈاکٹر فاروق عبداللہ کے حق چناؤی مہم کے دوران ایک جلسے سے خطاب کرتے ہوئے کیا۔پارٹی صدر ڈاکٹر فاروق عبداللہ، راجیہ سبھا میں اپوزیشن لیڈر غلام نبی آزاد، سینئر لیڈران طارق حمید قرہ، ناصر اسلم وانی، تنویر صادق، پروفیسر عبدالمجید متو اور محمد ابراہیم میر نے بھی جلسے سے خطاب کیا۔